0
0
Господи Иисусе Христе Боже наш, иже общия сия и согласная даровавый нам молитвы, иже двема или трем согласующимся о имени Твоем прошения подати обещавый, Сам и ныне прошения нас, недостойных рабов Твоих, просящих Твоея скорыя помощи и утешения и призывающих ходатайства всех святых, в земле Тверстей просиявших, — к завершению воссоздания кафедральнаго храма в честь преславнаго Преображения Твоего, Господи, и в нем совершения служб и молений Тебе приносити на всяк день, — услыши и исполни. Иже Ты, Господи, искони всяческая созда, буди начало, умножение и совершение делу сему, боголюбивых благодетелей, ктиторов же и делателей подаждь и благослови, и дела рук их направи, и вся потребная к сооружению и совершению соборнаго храма нашея земли Тверския Твоим Божественным промыслом изобильно умножи. Яко да будет храм сей воссоздан и исполнен Твоея славы и благолепия, и в нем прославится Твое пресвятое и великое имя со Отцем и Святым Духом, ныне и присно, и во веки веков. Аминь.
