0
0
Мои дорогие, в воскресенье, 26 октября, постарайтесь быть в храме и разделить вместе со всей Церковью молитвенное предстояние перед чудотворным Иверским образом Божией Матери. Сохраните для себя эти молитвы и обязательно помолитесь 26 октября, в день празднования принесения списка древней иконы в Москву.
Тропарь Пресвятой Богородице пред Иверской иконой, глас 1:
От святыя иконы Твоея,/ о Владычице Богородице,/ исцеления и цельбы подаются обильно,/ с верою и любовию приходящим к ней./ Тако и мою немощь посети,/ и душу мою помилуй, Благая,// и тело исцели благодатию Твоею, Пречистая.
Молитва Пресвятой Богородице пред Иверской иконой:
О Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати всех скорбящих и обремененных! Помози нам, немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая Заступница, да всегда поем, величаем и славим Тя, яко благую Заступницу рода христианскаго, со всеми угодившими Богу. Аминь.
