0
0
Мои дорогие, мы живем в сложное время, когда ранение или серьезную травму могут получить не только воины на поле боя, но и мирные жители. Поэтому настоятельно советую сохранить эти молитвы и поделиться ими с теми, кому они жизненно необходимы. Молится могут и сами раненые.
Тропарь:
Скоpый в заступлении Един сый, Хpисте, скоpое свыше покажи посещение страждущим рабам Твоим (имена), и избави от недуг и гоpьких болезней; и воздвигни во еже пети Тя и славити непpестанно, молитвами Богоpодицы, Едине Человеколюбче.
Кондак:
На одре болезни лежащих (или лежащаго) и смертною раною уязвленных (уязвленнаго),/ якоже иногда воздвигл еси, Спасе, Петрову тещу,/ и расслабленнаго, на одре носимаго,/ сице и ныне, Милосерде, страждущих (страждущаго) посети и исцели:/ Ты бо Еди́н еси́ неду́ги и боле́зни ро́да на́шего понесы́й,// и вся моги́й, я́ко Многоми́лостив.
Молитва о раненом воине:
Господи, Иисусе Христе Боже наш, молитвами Всепречистыя Владычицы нашея Богородицы и Приснодевы Марии, силою честнаго и животворящаго Креста, предстательством честных небесных Сил бесплотных, святых врачей и целителей: апостола и евангелиста Луки, святых чудотворцев и безсребренников Кира и Иоанна, Космы и Дамиана, святаго великомученика Пантелеимона и учителя его Ермолая, преподобнаго Агапита Печерского, святителя земли Крымския и исповедника Луки, исцели воина Твоего (имя), на поле брани ранами уязвленнаго, утеши его надеждою на Тя и верою Православною укрепи. Услыши, Господи Человеколюбче, воздыхания сродник его. Да, восстав от одра болезни, послужит и поработает Тебе до скончания жизни своей и прославит Тя, исцеляющаго и врачующаго вся, со Отцем и Святым Духом. Аминь.
Молитва матери ко Пресвятой Богородице об исцелении раненого воина:
К кому возопию, Владычице? К кому прибегну в горести моей, аще не к Тебе, Царице Небесная? Кто плач мой слезный и воздыхание мое приимет, аще не Ты, Мати Божия, Заступнице и Прибежище во всех бедах нам грешным? Услыши вопль мой, Всемилосердая Целительнице, яко умножишася скорби сердца моего, и яви милость Свою на одре болезни возлежащему и раною уязвленному, чаду моему воину [имярек], исцели его тяжкия душевныя и телесныя болезни, и воздвигни от одра немощи цела и всесовершенна, да воспевает Твое теплое заступление. Аминь.
Молитва воина в болезни, в ранах, и во всякой скорби сущаго:
Согреших, Господи, и беззаконновах, сего ради и гнев Твой праведный постиже мя, и сень смертная обыде мя, и ко адовым вратам приближихся: но к Тебе, Богу моему милосердному и Владыце живота и смерти, в болезни и скорби моей умильно вопию: пощади, пощади мя и не погуби до конца – Твое есмь создание, молютися смиренно, услыши мя, Господи, и помилуй. Аминь. Животом и смертию владычествующий Господи, не затвори в смерти душу мою, но престани от гнева, и остави ярость: зане исчезают, яко дым дни мои, кости моя, яко сушило сосхошася, и изсше крепость моя, и погибаю до конца, грех ради моих. Но в покаянии и со слезами молютися: услыши, Боже, и милостив буди ми, рабу Твоему. Аминь.
