0
0
В тропаре праздника Пасхи есть пронзительные слова, которые вы все прекрасно знаете: « Христос Воскресе из мертвых, смертию смерть поправ и сущим во гробех живот даровав». Воскресение Спасителя – это победа на смертью, это распахнутые врата в Царство Небесное и жизнь вечную. Поэтому вплоть до праздника Святой Троицы мы не скорбим, а разделяем с усопшими свою пасхальную радость.
В этот период мирянами на кладбище и дома читается особая лития по усопшим. Вот ее текст, сохраните его для себя и поделитесь с другими:
Молитвами святых отец наших, Господи Иисусе Христе, Боже наш, помилуй нас, аминь.
Христос воскресе из мертвых, / смертию смерть поправ / и сущим во гробех живот даровав. (Трижды)
Тропари, глас 4:
Со духи праведных скончавшихся, / душу раба Твоего [или рабы Твоея], Спасе, упокой, / сохраняя ю во блаженной жизни, / яже у Тебе, Человеколюбче.
В покоищи Твоем, Господи, / идеже вси святии Твои упокоеваются, / упокой и душу раба Твоего [или рабы Твоея], яко един еси Человеколюбец.
Слава: Ты еси Бог сошедый во ад, и узы окованных разрешивый, / Сам и душу раба Твоего [или рабы Твоея] упокой.
И ныне: Едина чистая и непорочная Дево, Бога без семене рождшая, / моли спастися души его [или ея].
Кондак, глас 8:
Со святыми упокой, / Христе, душу раба Твоего [или рабы Твоея], / идеже несть болезнь, ни печаль, / ни воздыхание, / но жизнь безконечная.
Кондак, глас тот же:
Аще и во гроб снизшел еси, Безсмертне, / но адову разрушил еси силу, / и воскресл еси, яко победитель, Христе Боже, / женам мироносицам вещавый: радуйтеся, / и Твоим апостолом мир даруяй, / падшим подаяй воскресение.
Молитва об усопших:
Упокой, Господи, душу раба Твоего [или рабы Твоея] (имярек), и прости ему [или ей] вся согрешения вольная и невольная, и даруй ему [или ей] Царствие Небесное.
Ирмос, глас 1:
Светися, светися, / новый Иерусалиме: / слава бо Господня / на тебе возсия. / Ликуй ныне / и веселися, Сионе. / Ты же, Чистая, красуйся, Богородице, / о востании Рождества Твоего.
Слава, и ныне: Господи, помилуй (трижды). Благослови.
Молитвами святых отец наших, Господи Иисусе Христе, Боже наш, помилуй нас, аминь.
Христос воскресе из мертвых, / смертию смерть поправ / и сущим во гробех живот даровав (трижды).
И нам дарова живот вечный, / покланяемся Его / тридневному Воскресению.
(И обращаемся к лежащим в могиле со словами): Христос воскресе!
